見到噚日立法會流會，毛毛梗係嗱嗱聲請小鳳姐出嚟唱返隻歌慶祝下先啦，之不過經民聯林健鋒就好似因為畀陳志全要求點人數截斷佢講嘢而嬲嬲豬，搞到未熄咪就爆咗句：「冚家……」，結果全場靜晒，場外嘅小巴司機都開始減速......

可能佢都知道自己呢句說話震驚咗全港700萬人，夜晚出席活動嘅時候就同大家解釋返，話「人無完人」，又話自己係性情中人咁樣樣喎。

嗯，估唔到林大師都係一個性情中人，真係失敬晒失敬晒。唔通大師嗰日想講嘅冚家，其實就係呢首詩？我哋全部都誤會晒佢爆粗？

其實政壇嘅真漢子又點會得林大師一人吖，之前蔣元秋都讚過treegun係一個「比較真性情，係一個直率嘅真漢子」啦！

兩個大師都出口成文，香港有佢哋，真係有福喇。

封面圖片來源：《食神》截圖/881903

資料來源：明報、《在晴朗的一天出發》