萬一、萬一咋！網絡廿三條過咗嘅話，想唱首歌都難呀！睇下～連地位超然嘅689唱首《喜歡你》都要先上車後補票㗎！

話唔定下星期三之後，唔會再喺邊都聽到聖誕歌喇......不過有個好消息！同樣咁喜慶嘅英文生日歌就點用都得！

其實美國早就宣佈咗生日歌係人類嘅共同財產㗎喇，不過n年前買咗版權嘅華納就係咁上訴，到而家先肯認輸～以後唱生日歌就可以再大聲啲喇！

雖然「Happy Birthday to you~」嘅用途相當廣泛，但邊夠「熱烈地彈琴熱烈地唱」咁親切喎？如果畀毛毛揀一首歌做香港嘅共同財產，我一定揀呢首，有請小鳳姐～～

封面圖片來源：hkhkhkpeople youtube 截圖
資料來源：Los Angeles Times、蘋果動新聞截圖