今日網上突然瘋傳呢段的士司機打交嘅片，嚇到毛毛個心離一離呀！

段片一開始灰衫嘅司機大佬已經揸住嚿水喉通起勢咁扑架的士個玻璃窗，扑咗七七四十九次個窗終於爛喇，點知佢仲想扑埋入面個的士司機呀！但係入面個的士司機驚都未驚過，沉著應戰，仲手指指話返佢轉頭：

灰衫司機可能見嚇唔到佢，問候咗佢媽媽幾句之後就返返去後面自己架的士度，但當佢一擰轉身就震驚咗全港700萬人呀！搞咩你都爆晒缸㗎？唔係得你打人咋咩？

毛毛問過喺現場嘅讀者，原來爆人玻璃嗰個司機先係苦主呀！好似話因為切線問題所以一嘢撻著晒呢兩個的士司機，佢畀前面個司機一嘢扑落個頭度搞到頭破血流，嬲得濟所以就爆返佢窗囉！唉！搞成咁又何苦呢？成龍大哥都有教啦，揸車最忌心浮氣燥吖嘛！沉住氣先係大師傅呀！

其實大家都係搵食啫，相嗌唔好口，嗱聽毛毛講一句，和諧和諧，完喇好嘛？

封面圖片及資料來源：文雄/小心駕駛(討論別人駕駛態度)