實在係孝感動天！感人肺腑呀！係呢個咁科技咁發達嘅現代世紀，仲有一班會打獵嘅原住民㗎，而且仲因為呢個傳統畀人拉咗呀！

呢班原住民過嘅生活簡單過城市人好多，多數住喺啲比較山野嘅地區，文化同習慣都同城市人好唔同。而一個叫王光祿嘅布農族人就依照傳統去打獵，因為94歲嘅媽媽好掛住啲山產，吃唔慣養殖嘅肉，於是王光祿就為咗孝順媽媽而去打打獵喇。佢用2年前帶著執返嚟嘅獵槍，捉到一隻山羊同一隻山羌，點知因為咁而畀人拉呀！

王光祿原來係因為用支槍打獵所以違反咗槍砲彈藥刀械管制條例，仲畀個官重判咗3年2個月，到今時今日佢都未敢同媽媽講自己因為打獵畀媽媽而犯咗法，驚媽媽受唔住打擊，所以同佢講要出去返工。仲問可唔可以帶埋媽媽去坐監，因為媽媽年紀咁大，放返出嚟都唔知仲見唔見到佢喇。

今日呢班原住民就提出非常上訴，希望個官可以再考慮呢條法例同埋刑期。

真係慘絕人寰呀！！！咁嘅孝順仔都要畀人拉，求其判佢幾十個鐘社會服務令咪算囉，你睇香港呢邊咁多hihi衰到冇人有都未畀人拉，有冇得網開一面呀法官大人？

來源：聯合新聞網、公視、台灣蘋果