好多愛書之人都鍾意買賣二手書，因為貪佢夠平、自己睇完又可以賣返出去吖嘛，真係夠晒環保～而最近都有網民喺專買賣二手書嘅fb group度放咗8本小說，8本書佢都係賣50蚊咋，咁咪即係$6.3就有一本？不過買咗呢8本書嘅網民就話，其中有一本畫花咗，要求退返錢喎......

下，畫花晒咁衰？有幾花先？而另外一個網民就po咗張相，話其實啲書只係畀人用螢光筆highlight咗啲重點......

唉，呢個賣家又係嘅，雖然你講到明呢8本係二手書啫，但你都冇話入面有用螢光筆間過，人哋梗係預計你啲書好似啱啱喺書局買返嚟咁新淨㗎啦！仲有呀，人哋話想將啲書送畀人㗎嘛，而家啲書畀螢光筆間過，你叫個人哋點樣當啲書係新書咁送畀人喎......畀着係毛毛都嬲啦，哼！

封面圖片及資料來源：香港二手書籍交易區(正)