而家全香港家長都好緊張小三TSA嘅事，但吳局長前排就因為「私人理由」出席唔到TSA公聽會。唔緊要啦，可能真係好重要嘅事呢？就原諒佢一次咁多多。

跟住教育局檢討TSA委員會第一次開會，局長又冇去到喇！佢就話想由專業嘅老師校長討論喎，次次都唔開會，梗係畀人鬧爆啦～

可能局長都知大家有幾嬲佢呀，所以就開心些牙去日本玩嘅心得畀你班只有葡萄的份兒嘅廢青聽囉～原來局長唔去TSA公聽會嘅私人理由，真係因為去咗日本睇紅葉呀，佢仲話啲紅葉好唔同，好值得去?！又係嘅，會幾時都有得kai，紅葉就秋季限定呀！

局長仲豪食放題，話「食咗個放題，好正，任食」。55，原來放題真係任食㗎，我真係學到好多嘢呀！

唔止食放題，局長仲食，呀唔係，睇制服學生呀！佢話自己係第一次去日本，「我去到，我喺車裏面望住啲著制服的學生」…… 眼甘甘咁望住人做咩喎，不如你都係睇返雜誌算啦好嗎？

唔開會仲好意思講咁多自己去日本玩嘅經歷，吳局長是咪覺得自己好似Treegun咁係「為國爭光」呀？不過佢咁樣樣望住人哋著校服，啲小妹妹見到佢實咁諗囉……

封面圖片來源：hopetrip.com.hk、natalie、文匯報

資料來源：明報、蘋果日報

延伸閱讀：檢討TSA委員會第一次會議　吳克儉又唔出席！