有「北韓少女時代」之稱嘅牡丹峰樂團同朝鮮功勳國家合唱團本身話會喺北京演出三日，表演內容都係相當令人期待嘅《祖國讚歌》、《朝鮮勞動黨萬歲》等等啦。

本身仲有幾個鐘就開場，台又搭晒飛又送晒，點知呢個時候竟然無啦啦要取消個show呀！

金仔本身好想習大大嚟睇，點知人哋唔去喎，就係咁金仔話唔制呀唔制呀唔制呀唔唱呀唔唱呀而家唔唱呀，於是成團人就即刻去機場飛返北韓嚕～

唔好嬲豬啦金仔，可能係習大大係因為夫人唔畀佢睇女仔所以先嚟唔呢。

金仔今次突然玩走人，有報導話中國即刻喺中朝邊境增兵?，嗱乖下金仔，嬲還嬲唔好拎枱面粒飛彈掣嚟玩呀！

圖片來源：新華網、博文社、每日焦點