強國音樂節目《我是歌手》第四季就嚟開始播映喇（呢～阿漿上去唱完一舉成名由強國紅到上宇宙嗰個節目呢），本身好似話軒仔張敬軒都有份參加嘅，仲要係首發名單歌手?！不過噚日就有消息傳出，話軒仔因為曾經撐過佔中，所以被退出呢個節目呀！

今次軒仔突然被退出，雖然就係話係因為「個人原因」，但其實聽講係因為佢之前曾經參加過雨傘運動，支持過佔中，所以就畀某啲姓陳嘅愛國人士舉報，搞到參加唔到囉！

老老竇竇，一個音樂節目竟然會因為歌手嘅政治取態而決定去留真係好傻豬，把自己想得這麼高真是可笑。不過之前個南方草莓音樂節都係咁啦（回帶：　【方丈份人】盧凱彤被陳淨心踢出南方草莓音樂節），呢啲先叫合符國情，你哋識條鐵咩！你睇下歌神張學友都講過話唔會參加《我是歌手》啦：

唔緊要㗎軒仔，你喺邊度唱毛毛都會支持你！學秋生哥話齋，睬嗰個陳xx都自降身份。

封面圖片來源：hinscheung IG

資料來源：《文匯報》 、hinscheung IG 、HK Toolbar youtube