其實正苦真係好關心班小三同學仔㗎，有關TSA嘅會開完一個又一個，最後仲話會取消TSA......嘅聖誕操練～但Fb group「爭取『取消小三TSA』」嘅成員就好似唔係幾滿意，仲出多封公開信畀吳局長?，佢哋話多個家長團體已經表明要求教育局喺聖誕之前宣佈叫停2016年小三TSA，仲話如果唔係就會請假、亂考同罷考2016小三TSA？！

不過話時話，吳局長成日都要去旅行，又要賞紅葉又睇日本妹乜乜乜，連會都唔得閒開，有冇時間睇呢封水蛇春咁長嘅公開信㗎？

唉，你估人哋係你哋班廢青咩，吳局長一個月睇成三十本書㗎（佢話），而家區區一封公開信又算得係啲咩吖～分分鐘由尾背返上嚟都仲得啦！