強國建築出咗名神乎其技，震驚全宇宙13億人。夠膽死用啲鐵線呀、發泡膠嚟起樓，啲人又夠膽死住㗎喎！呢份膽識真係唔係個個都有㗎：

最近強國北京大學就仲勁，佢嘅學生宿舍居然驚現真﹒豆腐牆呀！用隻手戳一戳，幅牆就會凹咗㗎喇！典解嘅？巧神奇呀！

功夫嘅嘢你哋識條鐵咩！其實呢班學生都係隱世嘅一陽指高手嚟，所以先會咁容易就戳穿幅牆咋嘛！幻覺嚟嘅啫，嚇我唔到嘅！強國建築有良心，全宇宙人都知㗎啦！肯肯定唔會偷工減料囉！嗱唔係得我講㗎，個學生自己都話唔關學校事，一定係自己內功太深厚先會搞成咁：

照咁睇嚟，喺強國住嘅人，分分鐘仲勁過一拳超人──一隻手指就可以整冧成間學校……毛毛不敢想像呀，嗚哇！

封面圖片來源：Chi Channel

資料來源：Chi Channel、澎湃新聞