都唔明點解而家啲細路啲功課咁難嘅？毛毛以前咪又係學下「我的家有爸爸有媽媽，還有姊姊和我呀」同唱下《我愛上學去》又一日喇，而家都肥肥白白，生活得幾好呀？一定要3歲就識串太空人英文先係叻叻豬咩？

好似呢份小一功課咁，問人知唔知隻躉船撞咗邊條橋喎。唔講仲以為係中三常識問答比賽啲題目呀！

有讀者話畀毛毛知，佢個讀緊幼稚園嘅小朋友份功課真係深到冇人有！學寫毛線咪毛線囉，做咩要人用真．毛線黐個毛線出嚟…… 幾歲人仔咋，識寫毛線個字已經好叻豬，仲要黐埋出嚟，其實老師你都心知肚明係媽咪做㗎啦份功課……

不過呢，凡事都要向前望呀小朋友，關關難過關關過呀嘛，你黐完條線，上到小學，更加深嘅功課前面等呀～連兵馬俑都要整到出嚟，黐線唔黐線？

封面圖片來源：讀者Carley Ng

資料來源：不願小朋友成為功課奴隸

延伸閱讀：【唔Ｌ係呀】小學功課要整兵馬俑？