眾所9知，毛毛一生不羈放縱愛自由，哪會怕有一天會變佬～不過臨近大時大節，成日都見到街裡愛人一對對，唔葡萄就假喇！所以毛毛夜媽媽一條毛嗰陣都忍唔住FF，如果......毛毛話如果呀，如果毛毛都可以得到女神嘅眷顧，嗰條坎坷嘅愛情路到底會有咩轉變呢？

1. 從後攬住女神畀溫暖佢

喂，有名你叫毛毛，梗係成身都係毛，攬落實Warm過你條親手織嘅頸巾啦，btw，你哋唔好問毛毛，親手織嘅頸巾有幾Warm，未收過唔知啫......

2. 突然出現喺女神面前

同女神去街最忌就係遲到，毛毛唔止會早到呀，仲會出現喺女神樓下畀個Surprise佢?～Er......如果冇即場畀實Q當變態佬拉走嘅話。

3. 送小禮物氹女神

為咗令女神有sweet sweet嘅感覺，禮物攻勢係唔少得嘅，之不過，毛毛份糧只可以講心......

4. 傾成晚心事

作為一個專業嘅鍵盤戰士，秒回女神嘅message是常識吧！雖然女神嘅回覆通常都係「哦」、「係咩」、「haha」......但毛毛隔住個mon都感受到女神散發出嚟嘅仙氣嚕～

5. 狂Post相曬命

平時畀人閃到眼盲，而家仲唔報仇？！不過其實毛毛本身個fb都唔係好多fd子，而家咁樣曬一曬，會唔會連嗰少少fd子都block埋毛毛㗎？

6. 日日數住同女神識咗幾耐

同女神一齊嘅時間一分一秒都咁寶貴，點可以唔記住喎？雖然可能真係得一分、一秒......

btw，唔好諗住sd好心你幾廿歲人就唔好咁多幻想.jpg畀毛毛，我知，毒L始終都係毒L呀嘛！唉，毛毛都係唔搞大件事，自己去整響個鬧鐘，叫自己夠鐘死心，唔好再發夢......

To 天下間所有毒L，毛毛know your feel bro。

資料來源：毛毛幻想出嚟嘅女友

封面圖來源：bbs.qoos