2015年12月16日 星期三
【多L謝喎】林旭華：豁免就係金剛罩！
「網絡23條」最快今日二讀，林旭華身為香港版權大聯盟嘅發言人，梗係要係咁發功，話畀大家知網絡23條有幾好㗎啦！好似今朝咁佢又去咗港台做訪問，仲話條例入面嗰六項豁免係金剛罩，會保護住我哋喎！
喂，真係多L謝喎！冇啦啦整個金剛罩（btw而我不知道什麼是金剛罩，金鐘罩同金剛圈毛毛就聽過……）笠落嚟，個意思是咪同慈母手臂延伸保護市民一樣呀下？定係佢其實曲線緊，暗示緊畀我哋知，網絡23條通過咗之網民會好危險所以要帶定個罩？唉真係難分真與假，媽好亂呀！
佢仲同蘇局長同聲同氣，話應該要先通過條例，之後先再檢討喎！得喇得喇，你哋球隊嘅作風，我諗大家都好清楚㗎喇。到底嗰六項豁免是咪金剛罩？毛毛唔直接答，用例子答你：
上面毛毛講咗啲咩，自己參透下啦，555555。
封面圖片來源：RTHK
