愈嚟愈凍喇喂，作為文青，最好梗係整返個煲仔飯……呀唔係，學吳局長咁去影下紅葉先啱～

香港啲紅葉咁難捉摸，上到山先知原來未紅得晒咪好掃興囉？好彩漁農署好貼心咁整咗個紅葉指數畀大家參考咋～

為咗確保大家都可以欣賞到紅卜卜嘅紅葉，強國仲細心呀！特登搵人將一塊塊嘅紅葉黐上馬路邊嘅枯樹上面，環保之餘又美化市容喎～強國人真係幸福喇，連塊樹葉都可以得到黨嘅照顧！

啲紅葉係就係假呀，不過咁又點喎，黐到咁高，都冇人知真定假㗎啦～係咁意影到相呃like咪收貨囉～

唔止紅葉㗎，強國連綠化都有得假㗎～你睇啲石頭幾green呀，仲唔會甩色?～明明冇又可以做到出嚟，強國真係好強！

封面圖片、資料來源：中新網

延伸閱讀：【真正綠化】強國男油綠成座山