聽講立法會議員天主教監察組今日公佈咗個《2014至2015年度監察報告》，入面點晒名話邊啲議員成日偷懶喎......哎唷唷，咁大聲話人哋偷懶，叫人哋情可以堪啫～老老竇竇，其實偷懶又點喎！做正苦高官咁辛苦，畀人抖下唔得㗎？嗱，毛毛就唔似你哋咁唔識包容人嘅，等毛毛搞返個分獎典禮畀佢哋，等全世界知道偷懶笨唔係一件羞恥嘅事嚟啦！！！

懶係旅遊達人大獎：吳得掂

得獎原因：謙稱自己唔是專業嘅吳得掂，原來上任3年已經外遊咗24次喇，仲要成日無私分享自己嘅旅遊經驗?！喂，咁多旅遊經驗，不如出返本旅遊書畀唔睇書嘅毛毛睇下啦～

懶係優質睡眠大獎：黃定光

得獎原因：喺垃圾會開會開到疑有生命危險嘅黃定光，成日都瞓得咁開心，真係令毛毛好葡萄呀！

懶秀麗毛筆書法大獎：亡國興

得獎原因：亡國興日以繼夜夜以繼日咁喺垃圾會度練書法，唔分返個獎畀你點得呀～

懶叻最佳辯論大獎：流肛華

得獎原因：沉默就係最好嘅答辯，因為......你永遠都駁佢唔到。

懶熱愛東洋外交大獎：AV仁

得獎原因：同樣愛好東京熱嘅毛孩雖然都同AV仁有同樣嘅性趣，但都唔會好似佢咁明張目膽喺返工嘅時候睇囉！證明佢有幾熱愛東洋文化啦！！

懶球技超卓大獎： 689

得獎原因：無論係返工射波定將個波射畀人，超然特首689都叻過人！

懶幽默娛樂大獎：Treegun

得獎原因：最幽默嘅當然唔是毛毛，而係出口成文嘅Treegun啦！你睇下佢創造咗幾多新嘅詞彙，如果唔係佢，毛毛都唔識咁多四字成語啦！

懶創新買失敗大獎：楊偉雄

得獎原因：貴為創新及科技局局長嘅楊偉雄，就當然連講句嘢都創新過人啦，佢話就算用咗6.77億，研發失敗都係一個成效，可以好清楚話畀業界知唔好行呢條路，行呢條路會失敗喎......咁都畀你諗到，抵畀個獎你啦！

懶懶懶懶懶懶大獎（點解個名咁多個懶？因為真係好懶所以要講6次）：發叔

得獎原因：唔好講佢今年缺席咗垃會31次，能夠喺24年嚟都冇自發提出任何動議及修正案而又可以keep住霸住個位，簡直係毛孩嘅榜樣！如果毛孩都可以好似佢咁返工射波31次而開會長期唔出聲都唔畀腦細兜走就好喇！

佢哋作為毛孩嘅榜樣，毛孩已經學晒佢哋嘅技能去考正苦官啦！Bye Bye喇腦細！

封面圖片來源：蘋果日報
資料及圖片來源：蘋果日報