嗚嗚，你哋死得好慘呀！辛辛苦苦等咗成幾十年先生到而家咁高大，點知一嘢就畀人斬Q晒，冇陰公呀！

呢幾棵樹本身住喺上水太平村附近，一家幾十口咁生活得好開心！

但自從起咗個有蓋行人路喺下面之後，正苦就話要斬晒佢哋喇！傻的嗎？啲樹分分鐘仲有用過嗰個可能使咗幾十萬公帑起嘅上蓋囉！又可以令空氣清新啲，夏天嗰陣仲會涼爽啲?呀！冇任何通知就斬樹，所以一班上水居民都留言鬧爆，仲召喚埋區議員出嚟，話要問清楚佢到底咩事！

上水區議員曾勁聰就話，斬嘅其實係附近斜坡嘅樹喎：

仲話問過正苦，啲樹已經枯乾晒，又生樹洞，所以就要斬晒佢哋囉。可能毛毛唔識嘢啦，目測啲樹其實仲好嫩綠好健康囉！枯，邊L度枯呀睇過？應斬嗰棵treegun又唔斬晒佢喎！不過都啱嘅，有問題咪一嘢斬晒佢囉，唔使諗有咩方法可以真正幫到棵樹㗎喇！正苦出咗名做事有效率，咁樣做咪夠晒方便快捷囉！絕對符合正苦一貫作風！不過你哋咁做，小心下世會做樹呀！

封面圖片來源：Joanne Lok-Yan Tsang

資料來源：North District 北區、上水人大聯盟