前排嗰幾場港中足球大戰，除咗港隊班英雄之外，有個人都好多人關注㗎！佢咪就係中國隊嘅隊長，鄭智囉！

佢出色嘅腳法，心胸狹窄嘅氣度，仲帶嚟新潮語：「你做人唔好咁鄭智啦！」，為香港潮語界作出重大貢獻。佢咁出名，照計應該全宇宙人都識佢㗎喎，但係巴塞領隊安歷基竟然話唔知鄭智叫咩名？

安歷基噚晚接受訪問時候話，嚟緊對廣州恆大嘅比賽時候希望之前受傷嘅尼馬可以好返落到場（講開又講，尼馬BB真係好！靚！仔！hehe！），最後就話恆大隊長都係一個好優秀嘅球員，但就唔記得咗佢個名sor99ly呀！

有冇搞錯！恆大隊長鄭智咁出名你都唔知？人哋係2013年嘅亞洲足球先生嚟㗎！雖然2015年就畀人踢走，換咗阿聯酋國腳阿密特卡利做亞洲足球先生，不過肯肯定係啲評審鄭智，唔關鄭智本人事囉！

鄭智你唔好衰畀佢哋睇呀！快啲做返你個招牌動作，畀啲顏色佢哋睇下！

封面圖片來源：FC Barcelona youtube

資料來源：fourfourtwo