唔該等埋！唔該等埋！上車畀錢先……每位8蚊呀嘛？咦？唔係小巴，係私家車嚟嘅喂？！

呢架私家車車頭擺咗幾個小巴價錢牌同目的地牌，唔通想做白牌？！驚唔驚畀慈母話你呀？

原來而家有唔少車主都鍾意用小巴牌做裝飾㗎～毛毛覺得，呢個牌簡直係速度嘅象徵，望住佢就算踩緊70都好似百四咁呀！爽！

平時搭小巴除咗睇幾錢，真係冇乜點留意啲牌喎，原來望落又幾好睇喎，啲手寫字幾有香港味道！

原來小巴膠牌唔係咁簡單㗎，已經陪住香港人40幾年，見證香港變化，好似「旺角先施」同「灣仔大丸」咁呀，都搬咗同執咗喇，但小巴膠牌都仲係用緊呢兩個地標做目的地㗎，真係要香港人先識搭！

封面圖片來源：Kwong Wai Yin

資料來源：小心駕駛(討論別人駕駛態度)、TVB