話時話，原來下個星期五就係聖誕節！好多家長都諗緊送咩禮物畀仔女好～而有家長就見到最近有套叫《妖怪手錶》嘅動畫會上，諗住帶自己2歲嘅囝囝去睇，順便買件《妖怪手錶》嘅玩具畀佢當聖誕禮物啦～點知一眾港媽就喺WhatsApp group度話佢咁做係唔啱㗎！下，買玩具啫......咁都唔得？

哦～原來呢幾位港媽係覺得事主帶2歲囝囝去睇戲同買玩具係嘥緊個假期呀！咁又係，有時間就梗係要瘋狂抄copy book兼學其他國家嘅語言啦，唔係第時出到社會點同人競爭啫！之不過，事主就唔係咁睇喇......

唉，其實呢幾位港媽都係想同你講：「你不愛競爭，競爭會找上你」啫......唔通人哋一片苦心，你咁都唔明白？！

封面圖片及資料來源：Athena Chan／不願小朋友成為功課奴隸