土地問題咁嚴重，樓價又咁L貴，呢世都唔會有樓㗎啦......嗱嗱嗱，呢啲咪廢青思維囉！好心就醒少少，上唔到樓咪學呢對強國夫婦咁住井底囉！橫掂一蚊都唔使畀，啱晒你班廢青啦～

是咁的，呢對夫婦就喺河南一間大學度做嘅，個老婆管開大學啲冷氣開幾耐咁，而佢做嘢嗰個冷氣井exact7ly就係佢哋而家住緊個井！一起身就可以返工，包保永遠唔會遲到！

而且佢哋仲一住就住咗十幾年，冇再諗過租屋買樓呢啲咁唔現實嘅嘢，就連大學話肯畀間平宿舍出嚟，佢哋都唔肯搬呀！btw，同做樓奴嘅辛酸比，啲咩濕氣呀、噪音呀都濕濕碎啦！

睇嚟井都幾好住喎～毛毛建議咁多位廢青好快啲霸定個井、橋底或者地牢喇，遲啲話唔定畀啲炒家睇中，連坑渠都有價有市呀！

封面圖片來源：驅動之家
資料來源：新浪新聞