唉，香港地真係生意難做！毛毛成日喺街都見到啲鋪頭寫住「租約期約」呀「蝕本清貨」呀咁，又係嘅，既然做唔掂，清晒啲貨當止下血都好吖～而讀者Exodus CL Sit‎就見到有鋪頭出面貼咗成38張告示，話要清貨喎！嘩，使唔使貼到成個符陣咁呀？

睇個老闆又話自己「血本無歸走人」，又話「大降價，降降降！」呀咁，真係隔住道閘都feel到而家喺香港搞生意係有幾咁困難......btw，以毛毛9估，呢個咁吸睛嘅清貨大法其實都係參考咗之前禮義廉議員嘅特別宣傳技巧啫～

正所謂「輸人唔輸陣」，呢啲咪鋪天蓋地式宣傳，poster唔怕貼得多，最怕就係你哋望佢唔到呀！！！

封面圖片來源：Exodus CL Sit‎
資料來源：Exodus CL Sit‎、西環變幻時 
延伸閱讀：大師 我是咪中咗幻術呀？！