到咗年尾，毛毛個肚肚就漲卜卜喇，因為又要食聖誕大餐，又要做冬喎～講開做冬，喺屋企自己整又麻煩，出街係就係貴啲，不過一年一次，食好啲都要嘅。

最近有網民去酒家食做冬飯嘅時候，點咗條成$1288（仲要加一囉）嘅清蒸大海杉斑，條魚就豐富囉，除咗有薑蔥豉油呢啲行嘢，仲有原隻疑似水曱甴！毛毛睇埋啲comment，都有人話唔係水曱甴，係寄生蟲嚟嘅……不過係咩蟲都好啦，總之就超核酸囉。

不過另一方面睇，收成千幾蚊，唔畀足料邊對得住個價錢啫？

間酒家仲話條魚有水曱甴係冇問題㗎～咁講法又係嘅，睇返張單，加咗料都冇收多你錢，其實又幾抵食喎？

睇下其他餐廳，加少少料都話要加錢㗎，唔識英文仲要加成千蚊?！

封面圖片、資料來源：Ming Wat‎/North District 北區