就嚟又到聖誕節喇，毛毛雖然什麼鬼都不怕，但我都同其他毒L一樣，怕黑、怕凍、怕聖誕節㗎......想話出街買個老麥啫，都要見到街裡愛人一對對……真係諗起都想插盲自己對眼呀！

不過日本有餐廳竟然講到明，聖誕節唔會做情侶生意？

靠毛毛多年睇日本愛情動作片學返嚟嘅日文9估，呢間餐廳上年原來已經試過一次喺平安夜嗰日唔做情侶生意㗎喇，當時仲做成話題?！而今年老細為咗自己店員嘅精神健康著想，於是又再搞多一次拒絕情侶幫襯活動呀！呢個老闆咁為員工好，真係良心老細！毛毛欣賞你！

如果香港有啲餐廳都可以好似呢間日本餐廳咁，毛毛就唔使插盲自己對眼啦！之不過我諗都係冇乜可能㗎喇，佢哋唔乘機加價都偷笑啦。嗯，毛毛嗰日都係買個老麥返屋企自閉算喇：

btw，捱完個聖誕節，出年仲有個情人節嚟緊......唉......

封面圖片及資料來源：kazahane/twitter