老老竇竇，毛毛細個嗰陣好驚小強㗎！見到佢啲長長嘅足鬚，毛毛身上嗰100條毛都戙起晒呀！之後因為睇咗男神黃子華套《男親女愛》先慢慢開始對小強改觀咋！而最近美國就有班大學生，竟然為一隻死咗喺後樓梯嘅小強，搞咗個小型葬禮？

一開始係個教授發現，有人幫呢隻喺後樓梯死咗兩個星期嘅小強立咗個小小嘅紙墓碑，仲幫佢改埋名叫「Rosie」，於是就喺facebook開post講，仲同佢影埋相?！

經教授咁樣講一講，開始愈嚟愈多人去憑弔呢隻小強。有人畀咗塊膠布佢；有人就放咗隻夾喺佢旁邊，毛毛9估可能係想用嚟幫小強扮靚啦下；有啲人仲特登幫小強畫咗張掃描，寫住「永遠懷念」，真係睇到毛毛眼都濕埋。

之後仲演變到整埋棺材畀小強瞓，仲有好多懷念小強嘅詩歌，一張一張咁貼晒喺牆上面。巧滾動呀！呢班人為咗隻小強做咁多嘢，唔單止有愛，仲好有才?呀！

而喺噚日嘅下午，小強Rosie就喺雄雄烈火中離開強世，結束佢短暫嘅一生。小強，一路好走喇！希望你下世投胎可以好好做人啦，嗚嗚。

封面圖片來源：imgur　

資料來源：imgur、metro.co.uk