咦喂，呢棵草又幾打耳喎？生到好似堆毛毛咁，冬天擺幾盆圍喺腳邊，應該可以保暖喎～摸落去仲軟軟滑滑咁，實好舒服啫～

唔知呢個盆栽係咩名堂呢？等毛毛收工（如有機會）去花墟睇下有冇得賣先！

咦喂……望望下，唔對路喎，成隻喵咁嘅？！原來係隻喵星人跳咗落個盆栽度捲埋一餅嘢咁瞓覺覺豬呀！傻b仔，做咩有沙發有床仔唔瞓，係要咁迫呀？

‏

眾所9知喵星人有幾鍾意喺啲估都估唔到嘅地方喱埋㗎啦，點知佢哋連盆栽都唔放過，照跳落去瞓喺啲花花草草上面囉咩呀～

畀你估到嘅，仲係喵星人嚟嘅？其實瞓盆栽對佢哋嚟講，已經算正常㗎喇，一嘢跳入衛衣個袋都係咁啦～你睇，啱啱好fit晒～！

封面圖片來源：ukyou723/twitter

資料來源：twitter、天下貓貓一樣貓