喺香港地朝頭早搭車返工個個唔係續繼瞓就係睇緊手機，可能同隔離嗰個搭咗同一班十年都唔會認得，更加唔好講會同同車返工嘅人做到朋友啦！點知英國就有班人因為日日同車返工而做咗老友，前幾日仲喺返工之前搞咗個車廂聖誕party?！

雖然全程車得40分鐘，不過佢哋冇諗過hea搞㗎，鋪晒枱布、掛埋彩帶，當正架火車係自己屋企咁囉！嗚呀！佢哋仲開埋香檳歎埋三文魚，雖然話係開party啫，呢班明明係早晨車嚟㗎！

好彩佢哋唔係自己圍埋玩，仲識開心些呀埋畀其他乘客，咁啱上到呢班車有得玩埋一份，實全日都好開心啫！

嗯嗯，有得成車人一齊開party嘅話，仲使乜驚Lonely Christmas喎！不過喺港鐵嘅話唔好話開香檳，開支水飲啖都罰2000蚊呀，如果想搭車慶祝，約埋一齊呼吸啦

封面圖片及資料來源：WalesOnline