雖然香港嘅冬天，忽冷忽熱，就好似女神對我嘅態度咁，好難觸摸，但呢個世界，笨唔係所有嘅冬天都好似香港嘅冬天咁唔冬天，放眼世界（即係睇多啲外國勢力嘅（（面））書），其實仲有好多人係生活喺寒冬之下。

伊朗嘅12月，平均嚟講只有9℃左右，真係隔住個mon都feel到凍呀～而喺伊朗東北城市馬什哈德，就有個低調嘅善心人就喺牆上面掛咗啲衣架，寫住＂اگر شما به آن نیاز نیست ، آن را ترک کنند. اگر شما به آن نیاز دارید ، آن را.＂（盲毛翻譯：如果你唔需要嘅就留低，需要嘅就拎走）～

衣架掛住嘅梗係衫啦，唔通係毛毛咩……但呢個充滿暖意嘅舉動就感動咗好多人，令到好多人都自發咁喺啲牆度掛個衣架，個衣架又再掛住啲衫，畀有需要嘅無浪漢隨便拎隨便著～

呢啲掛滿濃濃暖意嘅牆而家仲全個伊朗都有添～就算天氣再凍，都感覺到人間溫暖啦！

其實之前都有班超有心嘅媽媽同小朋友，齊齊幫啲街燈著外套！而佢哋咁樣做，都係想畀一啲有需要嘅人，當佢哋覺得喺街度覺得凍嘅時候就可以拎嚟著。原來人間係咁有愛㗎～毛毛喺感情上都係一個流浪漢，唔知喺呢個聖誕節，會唔會有人都可以畀啲溫暖毛毛呢？

封面圖片來源：Twitter
資料及圖片來源：BBC、Twitter@Erfaneh Irani、Twitter@far_in、Twitter@shiriinsalehi、Tara Smith-Atkins
回帶：【幫街燈著外套好有愛】見凍可以隨便拎嚟著喎！