唔講唔知，原來全能嘅淘寶有搞集資平台㗎喂！仲一樣咩都有得賣?～好似呢個集資活動咁，就係由超出名嘅日本藝術家奈良美智授權，賣好打耳嘅夢遊娃娃呀！

有奈良美智親手抌印仔，又寫住日本製造咁，實冇假啦今次！

咦咪住先，有個叫Yoshitomo Nara嘅人喺twitter度話呢件嘢係翻版喎！你乜水呀，馬雲話明淘寶冇假嘢你都敢嘈？等毛毛了解下先，原來呢個就係奈良美智呀！！！

仲有啲網民回應話淘寶隻嘢根本就唔似，連翻版都唔算呀！真嘢係再淺色啲、質地似似地陶瓷咁㗎！

Er......話唔定係有個同名同姓嘅藝術家畫咗隻差唔多嘅嘢，再畀淘寶整呢～又有可能個twitter先係假嘅，甚至乎淘寶根本無搞集資平台，呢個網都係假嘅......肯肯定係全世界夾埋造假，嫁禍畀淘寶！555，一定係！

資料來源：淘寶眾籌、奈良美智/twitter