毛毛呢啲廢青，又窮又毒，平時放工最鍾意走去掃街食啲街頭小食咁就當一餐㗎喇！今日就有熱心網民一言驚醒洛克人，喂原來食完啲魚蛋、串燒想掉垃圾之前，仲可以做多一步㗎！

眾所9知，啲街頭小食多數都有竹籤拮住，有時食完之後真係就咁就扔咗支籤㗎喇！不過呢個網友就好細心！因為佢擔心有拾荒者喺垃圾筒「尋寶」嘅時候，會唔小心畀啲竹籤整傷，所以就特登屈斷咗支籤先再扔！睇到毛毛巧滾動呀！如果可以再做多一步，用啲用過嘅紙巾包住支籤先再扔，咁咪一定唔會整親人囉！唔單止竹籤呀，其他一樣尖銳嘅嘢好似罐頭蓋、汽水蓋等等，其實都可以咁做㗎！

btw，大家有冇覺得呢個網民個名有啲熟口熟面呢？其實佢之前有個活動係約埋班朋友仔齊齊踩汽水罐方便啲老人家「尋寶」，毛毛都有講過㗎！（回帶禁呢度）而佢最近又搞咗個「好鞋子」活動，打算將收集返嚟嘅舊鞋送畀有需要嘅人，大家有興趣都可以睇下！

其實都係嗰句：做得幾多咪幾多囉。睇完呢個post之後，毛毛都好似對呢個世界有返啲希望喇！多謝你呀！.

封面圖片及資料來源：Benson Tsang