啲護膚品成日標榜自己做乜乜魔法霜，計毛毛話就算你係魔法師，真係識魔法咁又點吖，你睇下哈利波特佢哋咪一樣會變老！

等毛毛估下先……左手邊第一個係榮恩，右手邊第一個係哈利，咁中間嗰個係……吓？唔L係啩？點解人妻妙麗大個咗會變咗黑人嘅？

哦，原來呢個係哈利波特第8集《哈利‧波特與被詛咒的孩子》舞台劇嘅角色嚟，舞台劇版嘅妙麗將會由45歲嘅黑人Noma Dumezweni飾演。下年英國就有得睇喇～

雖然毛毛初初都心諗點解妙麗呢個角色會完全唔同晒，但其實哈利波特作者羅琳（J.K. Rowling）一直都冇講過妙麗係白雪雪眼大大嘅女神樣，仲話佢都好鍾意黑色嘅妙麗?！
雖然白妙麗變咗黑妙麗，但毛毛睇嘅笨唔單止係演員嘅外表，更重要嘅係內涵吖嘛！個舞台劇主要係講佢哋畢咗業19年之後嘅故事，哈利‧波特畢咗業之後喺魔法部做正苦工，話明正苦當然辛苦，仲要做埋人哋老公老竇，簡直係三苦～就算佛地魔瓜L咗，但佢發現，原來惡勢力仲係無處不在、無孔不入嘅！

其實就算死咗一個佛地魔，仲有千千萬萬個佛地魔，呢個咁簡單嘅豆奶，毛孩未畢業就已經知啦！點呀～係咪覺得佛地魔個樣好熟口面呀？係咪好似你腦細個樣呢？

脷伸：本人意見不代表本人立場，禾腦細巧令仔㗎～

封面圖片來源：dailymail
資料來源：dailymail、independent、Twitter