今時今日，就算唔上車買樓都要去旅行，咁先至係生活態度呀嘛！不過如果你連買機票嘅錢都冇嘅，就唔該FF少陣喇！除非......你好似呢個台灣妹妹咁，識得享受眼睛去旅行咪另計囉！

是咁的，聽講呢個6歲妹妹細細個就好恨周圍去，對個世界都唔知幾好奇，不過一個妹妹仔邊L度有錢啫？好彩佢夠醒目，識得影相放上網，仲拍埋片叫全世界嘅網民一齊開心些牙啲地道靚相，又有相睇又有得吹水，分分鐘仲多交流過實際去旅行呀！

佢會放張相、開個post，講下主題同地點，然後等其他人回相～就好似放大佛嘅相咁吖，香港嘅網友見到就即刻送咗張天壇大佛嘅相畀佢喇！

其他主題都好有童真、好打耳～

咁多人一齊整呢個FB版瞬間看地球，真係齋睇都覺得自己見多識廣咗！搞到毛毛好想叫埋香港啲小學雞一齊玩呀！不過諗一諗，香港啲小學雞邊有咁得閒喎，佢哋就算去旅行，都實帶埋啲補充練習去㗎啦......

封面圖片及資料來源：Taiwanpictopic