有網民喺討論區開心些牙佢同佢個女嘅故仔，毛毛睇完都笑出聲呀！

是咁的，樓主無意中搵返囡囡以前寫嘅日記，發覺囡囡細個嗰陣原來因為媽媽一句「喺巴士發晒癲咁笑會死」嘅說話而一直唔敢喺巴士大笑，仲話如果自己可以試下唔喺巴士笑，就應該唔會死咁樣樣喎。而家大個咗聽返呢啲說話就梗係覺得好好笑啦！但其實細細個嗰陣，真係會當晒阿爸阿媽講嘅嘢係至理名言㗎！老老竇竇，毛毛相信香港地每個細路都應該係嚇大嘅！呢啲恐嚇性嘅說話，毛毛肯定你哋細細個都有聽過！

不過你心裡面其實係知道，阿媽恐嚇你其實只係關心你；而當你大個咗，冇人理你嘅時候，你就會發覺，原來有種幸福係叫做畀阿媽恐嚇……

封面圖片及資料來源：親子王國