個天又黑喇，明明希臘嘅日頭有成十幾度，一到夜晚就得返幾度咋，一班真毛孩都唔知去邊度過夜先好，隔住個窗望住啲燈閃下閃下，好似好暖咁，但一靠埋去就會畀人趕......慘喇！有人行出嚟，係咪想趕走佢哋呀？！咦？佢開住道門似係想佢哋入去喎！

裡面除咗暖笠笠，仲有好舒服嘅梳化同陣陣咖啡香......呢度係希臘一間咖啡店，雖然都開到幾夜，但收舖之後就會變做流浪狗嘅屋企～

毛毛聽聞希臘有好多流浪貓狗㗎，多到點都領養唔晒咁滯，但啲人一啲都唔嫌棄班得意毛孩！相反佢哋仲對佢哋好好，既然無辦法係自己屋企照顧佢哋，就喺街度幫佢哋！餵佢哋、畀地方佢哋訓！

外國對流浪毛孩係有一套，查實香港都有好心人努力緊㗎！每逢天氣一凍就整啲流浪貓箱畀貓貓瞓，如果多啲人咁做就好喇！

封面圖片及資料來源：TheDodo
回帶：【寒冬有愛】有心人整暖笠笠流浪貓箱