同胞們成日話「要不是祖國，你們早就完蛋了」，係囉係囉，祖國咁偉大，香港人實爭住沾強國嘅光，湧出嚟周圍大大聲同人講自己係強國人啦！

咁啱今日港大民意研究就出咗最新調查結果，原來自認係亞洲人同世界公民嘅香港人仲多過自認係中國人㗎！毛毛都冇錢去亞洲其他地方玩嘅，世界各國就更加唔使講啦，不過毛毛都一樣，認做亞洲人、世界公民，都唔想同人講自己係強國人……

如果有人問你，你係「香港人」、「中國人」、「中國的香港人」，定「香港的中國人」呀？最多人會答自己係廣義嘅香港人呀！話自己係中國人嘅就得18個percent咋陰公～

毛毛會話自己係香港人就唔使講啦，呢排年尾去親Re-U，都唔明點解，啲靚仔冇拍拖其他舊同學就嗌佢做浪子，毛毛呢，就係毒L…… 其實毛毛只係冇腳嘅雀仔啫，毒咩L喎！

封面圖片、資料來源：港大民意研究