前排深圳發生山泥傾瀉意外，差唔多淹沒咗成個工業園，而家仲有好多人係失咗蹤，未搵得返。有網友就post咗張相，疑似係深圳嘅救災隊伍企喺災區度揸住支黨旗影相。

唔會嘅，毛毛肯肯定呢張係改圖囉，強國嘅工作效率出名又快又高㗎嘛！點會得正正喺度，乜都唔L去做，剩係掛住影相嘅啫！一定唔會係佢哋嚟囉！

而一班災民就被安置喺附近嘅體育中心，前幾日（終於）有成班強國官員去探佢哋喇！嗯，佢哋區高臨下嘅姿態、插晒褲袋好似入場等睇戲咁；有個官員睇嚟仲做足準備，食到飽一飽，個肚漲L晒出嚟咁去探災民，真係好有愛呀！睇真啲，佢隻耳仔仲攝住支煙仔?！如果毛毛喺現場一定會即刻幫佢點著支煙啫！btw，臨時演員都係演員吖！精神啲！畀啲戲！阿爺望住㗎！

其實樂觀啲睇，佢哋肯去現場探災民，都好過唔出現；有真人相，都好過PS吖！

老老竇竇，毛毛真係覺得呢張相同上面探災民張相，真係好L似……

封面圖片來源：深圳微博發佈廳

資料來源：深圳微博發佈廳 、Summer