毛毛唔會同大家講聖誕快樂，對一個毒L嚟講，聖誕節可以有幾快樂呀？？？但人總需要勇敢生存，等毛毛教大家「毒L聖誕求生攻略」啦！

1. 對所有朋友關閉聊天室

大佬，你唔撳「對所有朋友關閉聊天室」，咁你啲Fd子咪知道你大時大節仲一個人9 fing fing咁睇緊Facebook囉！仲有，今日之內都唔好Like＆share＆comment任何一個Post是理所當然吧，唔係咁蠢豬要自己踢爆自己呀嘛？

2. 毒L專屬Playlist

唉！毛毛都知唔係個個毒L都咁好彩，可以全日都留喺安全嘅地方（即係你間房）㗎喇......少不免都要落街買下飯嘅～如果你咁不幸，聖誕節要一個人面對呢個五光十色、充滿閃光彈嘅世界嘅話，毛毛建議你都係塞住耳仔聽歌罷啦，我諗你都唔想瘋狂聽到街裡愛人一對對嘅甜言蜜語掛？

聽咩？Playlist一早準備好畀你哋啦：

3. 聖誕食好西

咩啫，毒L唔食得好西㗎？大把好東西等住毛毛食呀，例如有薯片呀杯麵呀汽水呀咁......仲可以食埋環境同氣氛?呀！

4. 自製閃光彈

毒L點樣放閃光彈？係，毒L係冇女朋友，但唔好唔記得你哋仲有隻左手呀！！！幫佢扮下靚靚，再較啱角度，咪可以影到女朋友仔餵你食嘢嘅sweet sweeeeeet相囉～

5. 特別的「Wrong group」放閃技巧

btw，整閃光彈整得咁辛苦，唔係唔放呀嘛？等毛毛教大家如何有效率地投放閃光彈啦，首先你要有個公司同事／同學WhatsApp group，然後再「唔小心」send你嘅閃光彈出去，咁就可以殺你班平時睇死你冇女嘅同事／同學一個措手不及！

6. 特別的「開大喇叭睇AV」放閃技巧

多數人睇AV都係戴住headphone睇，廢事畀人知呀嘛，不過今日一定要開大個喇叭、大大聲咁睇！點解？你問我點解？！放完閃光彈畀同事／同學，梗係要放埋畀隔籬鄰舍啦！嘩～隔籬屋陳小明聽到你條女講埋日文嚟氹你開心，實葡萄死呀！

btw，如果你想低調啲嘅、含蓄啲嘅，買兜啫喱又得，得咗！

7. 展示戰績－自製咖喱雞

如果聽日Boxing day要見人嘅話，就梗係要Show返啲戰績畀人睇下㗎啦，仲唔快啲拎你哋廁所支廁所泵出嚟，整返啲咖喱雞畀自己？

btw，如果嫌上面7個方法唔啱使嘅話，咪直接將個日歷較到12月27號囉，呀唔係，係較到下年1月1號先啱，因為......除夕你都係一個人過㗎，嗚呀！！！

封面圖片及資料來源：彼女がいる風の地主恵亮、ThisAV（未夠18歲唔好撳唔該）、rainbowdvpt.com