日本酒店嘅服務態度不嬲都好出色，就算你check out咗都唔會鬆懈～有幾出色？毛毛唔用說話嚟答你哋，毛毛用例子嚟答你哋！

話說有個日本網友前排去咗北海道一轉，點知一返到屋企就收到酒店電話，話佢漏咗嘢，仲話會速遞畀返佢?～佢聽完之後，丁丁插沙都諗唔到自己漏咗啲咩，咁唯有等佢寄到再睇下點啦......最後收到件咁嘅嘢，喂，包得幾密實下喎！

再開！咦，要用埋啪啪紙包嘅？

繼續開！

原來係包4x3cm左右嘅藍莓果醬呀！嘩，連啲咁唔顯眼嘅嘢都留意到，呢啲咪叫細心囉～

btw，細心到寄返盒果醬畀人都唔係重點，重點係......嗰1280yen（即係大約80蚊港紙）運費係要由收件嗰個畀㗎！

唉，大時大節先嚟收啲咁嘅大禮，真係多L謝晒......

封面圖片及資料來源：masa43/twitter