根據毛記民調結果顯示，每年有超過或者唔超過一半嘅情侶都會因為揀錯聖誕節禮物而鬧交，所以話，送禮物畀女朋友／老婆真係一門學問嚟......不過如果你好似呢個日本網民咁有心思嘅話，就包保冧死女嚕！睇過～咩禮物咁把炮呀？送兩本咁厚嘅簿，入面唔係全部都係「我愛老婆」嘅罰抄呀嘛？

哦，原來唔係罰抄～佢老婆仔喺twitter度話呢兩本係老公仔整畀佢嘅「住家飯食後感全紀錄」嚟，即係話佢每日都會將老婆整嘅餸影低，然後再寫埋食後感囉......仲要係365日都有記低，一啲都冇偷雞?！！！

嗱，唔係9寫兩行就算㗎，每日都寫大大段字，真係sweeeeet到喊出嚟......

唔止呀，佢仲連同老婆仔出去玩嗰陣帶嘅便當都有影低?～

雖然毛毛真係幾欣賞佢嘅心思，但大佬呀，你咁樣分明做壞規矩啫！你玩到咁大，叫一眾有囡囡嘅港男如何是好？

封面圖片及資料來源：siro1106／twitter