強國有一對男女日光日白喺車入面做運動，仲好識揀到風景咁泊正架車喺河邊，點知好衰唔衰唔記得拉手掣，咁就出事嘞！！

唔知係唔係做運動做得劇烈過頭，為架車提供咗太大動力，chok到架車倒後衝咗落河，要吊返上嚟仲畀成班鄉里眼甘甘望到實。

嗰邊而家天寒地凍，但係游返上岸嗰時個男人咁啱著住條底底喎，果然係體魄強壯呀吓。

毛毛提提你，如果想起揸車到岸邊伸展筋骨順手欣賞風景，記得拉手掣呀～ 不過首先，你要有個女朋友，同埋有車。

來源：新華網、揚子晚報