［港女mode啟動］求婚喎！一生人得一次喎！梗係要有幾浪漫得幾浪漫啦！我要佢喺時代廣場出面當住超多人面前跪喺度我先會嫁囉！…… 毛毛聽講，女人對於「求婚」嘅概念，係咁㗎。可能呢個加拿大男就係知女人最鍾意啲人冇佢有嘅求婚方法，所以就用咗個聽見都Ｏ晒咀嘅絕招表達愛意！

加拿大男Shawn Wright同佢未婚妻已經識咗廿年㗎喇，但梗係冇對到厭啦，仲好鬼愛佢，唔係又點會諗到將婚戒送去距離地面30公里嘅平流層呢個方法呀！

Shawn Wright首先整咗個三角木架，綁晒戒指呀攝影機呀上去，再駁埋個氣象氣球，一齊升晒上大氣平流層～最後就梗係將條片播畀佢Darling睇，同佢求婚啦～

識咗廿年，一齊咗6年，咁難得嘅緣份，梗係要愛到上太空啦……難為毛毛，7到上太空就試得多，唔知有冇機會愛到上太空呢……嗚嗚嗚。

封面圖片、資料來源：英國《每日郵報》、youtube