毛毛有時見到啲女同事日日都化到個妝行一行好似朱咪咪登台咁款返工，真係戥佢哋辛苦呀！日日都搽咁多唔知乜嘢上塊面度，唔攰嘅咩！乜化妝真係咁好玩㗎？

最近外國有個化妝師post咗佢個friend子個妹妹嘅化妝片出嚟，條片有成2萬幾likes呀！仲多過佢平時啲片好多好多！睇清楚，唔係個化妝師幫妹妹化，而係妹妹自己個妝自己化喎！

首先，用啲肉肉地色嘅嘢（聽講叫粉底）喺塊面度搽呀搽呀搽。

再掃呀掃呀掃。

喺對眼度又唔知畫啲乜嘢（原諒毛毛，毛毛真係唔識），總之對眼就會大咗10倍啦下。

跟住又要黐幾條曱甴腳上去。

最後嘟住個咀搽啲黐立立嘅唇膏，得咗。望住鏡頭chok下啦喂。

聽講，男人一生，只想搵個唔使等佢用成個鐘頭化完妝先出到門口嘅女朋友，而家睇嚟，要去幼稚園先搵到喇。

封面圖片、資料來源：emily._.louise/ instagram.com