唉你哋畀阿寶抖下得唔得？點解人類總要重複同樣的錯誤㗎？毛毛係話緊香港班攝影師呀，之前港媽嘅like and share事件：

咪話咗畀你哋知，喺香港地做攝影師，真係唔L使食飯㗎囉！靠like同share就已經生存到啦，仲商機無限?呀！好似呢個婚禮攝影師咁，有得喺酒店食呢碟咁珍貴嘅菜心炒白飯工作人員餐，已經賺咗啦！好應該感恩感恩！

通常婚禮都有好多工作人員幫手嘅，好似化妝師呀、攝影師呀咁。而酒店方面就會有份crew meal，即係所謂嘅工作人員餐畀佢哋食。可能呢間酒店以為全部工作人員都係食齋，所以先會煮出呢味驚為天人嘅菜心粒炒白飯啫！（FYI：啲菜心粒聽講仲要係苦嘅。）唔通啲菜係瑞士山區純天然有機菜，啲飯係正宗泰國靚米又話你知咩！健康飲食嘅嘢毛毛真係識條鐵呀！

反正菜心粒炒白飯都煮得出咯，下次不如索性白飯炒白飯啦，仲飽肚啲?喎……

圖片來源：TY Yau

資料來源：TY Yau 、●【爆料公社】●

回帶：【攝影師唔使食飯㗎】港媽FB share相當報酬