貨車送貨有咩咁出奇呀？連車尾都好影嘅。睇真啲，咦？點解會有個倒後鏡喺度？

咩話？呢個係車頭嚟？

嗱，是咁的，前排呢架貨車就hi過下，搞到車頭歪咗啲、個窗碎咗咁囉，好小事啫～入咩廠喎？係咁意攞塊膠布遮下未得囉！

遮到睇唔到嘢？唔使驚，開返個細窿、痴返啲透明膠紙，就又有返個窗喇！個司機揸呢架車嗰陣仲會帶埋頭盔，夠晒安全～ 咪睇佢爛到融咁滯，畀足油飛車會踩到時速75公里㗎！不過係佢行咗百幾公里之後，就畀警察連人帶車拖走......

計毛毛話，使乜咁包膠住晒煩吖，真接抆甩埋個車頂蓋變開蓬貨車咪仲有型！

封面圖片來源：央視新聞
資料來源：騰訊新聞