襪，係一樣好神奇嘅嘢。只要你一唔剪腳甲七七四十九日，無論係靚靚名牌襪，定係cheap cheap淘寶襪，佢個腳指公位都係會爛嘅。功力深厚啲嘅仲會連腳踭位都爛埋?！不過日本有個神人就對襪有一種執著。佢堅持兩對襪著足20年不特止（神探毛毛9估佢應該以後都剩係會著呢兩對），仲好有心機咁用啲毛冷補返晒啲窿窿呀！

雖然毛毛隔住個mon都好似聞到陣腳味，不過真係堅靚喎！望落仲幾有特色?！佢亦都冇自私織㗎，開心些牙咗個教學出嚟，等大家可以一齊密密織！

喂呢個咁環保嘅方法毛毛都buy呀！又有特色又可以慳返啲錢！分分鐘啲妹豬見到我對襪咁靚仲會叫我教佢?喎！不過，都係嗰句，首先要有妹豬肯望我先......

封面圖片及資料來源：basilsauce