腦細腦細是常識吧！但呢個世界笨唔係所有老細都腦細嘅，至少呢間叫Adore Me嘅網上內衣鋪嘅老細唔係。
睇到唔睇到？係大拿拿1萬蚊美金支票，即係差唔多8萬蚊港紙，送畀一個辭職話要去環遊中南美洲嘅打工仔呀！毛毛就快窮到連去長洲都冇錢，人哋就去中南美洲有老細畀錢，好葡萄囉！！！！
重點係，呢位老細笨唔係平日見到嗰啲肥矮7獨，而係一個靚仔（洋腸）！！佢仲同嗰位打工仔講，隨時都歡迎佢返嚟！對啲員工咁好，難怪咁靚仔啦，相由心生嘛～

睇到呢度，毛毛之前一早寫定嘅求職信終於……終於都大派用場喇，希望佢睇到會請毛毛啦！BTW，毛毛都希望腦細如果睇到呢個post，都可以好好學習下呢位洋腸老細，辭職嘅時候畀返十萬八萬獎勵毛毛啦～

封面圖片來源：Adore Me
圖片及資料來源：Adore Me