香港嘅土地問題真係好嚴重，唔單止市區嘅地唔夠，而家連郊外嘅地都唔夠呀！有網友就開post，話佢前幾日去灣仔南營露營嘅時候發現全場都畀啲冇人住嘅帳篷霸住咗呀！

除咗地之外，連啲木櫈木枱都畀人用帳篷霸住咗。網民就９估啲營可能係強國自由行遊客嘅，佢仲話當佢想影相嘅時候，有一神秘黑影走出嚟話：「影咩呀影！」，好大官威咁樣樣㗎。都啱嘅，為咗賺錢，有咩做唔出吖！

呢件事喺網上瘋傳之後，又有另一個版本出現喎。有網友就出嚟解釋返，話嗰啲空帳篷應該係屬於一直住喺營地嘅伯伯，仲話佢好好人，如果有營友唔夠物資，佢都會借畀佢哋喎。

媽好亂呀！呢單營地羅生門事件毛毛都睇唔透！毛毛剩係知，大自然係屬於大家嘅，唔應該出現啲咩土地霸權囉！我哋喺市區已經生活得好辛苦㗎喇，出走大自然都係想輕鬆下啫。畀返個位我哋抖啖氣啦好嘛？

圖片來源：Francis Cheng

資料來源：Francis Cheng、西貢日報