香港人，其實真係好有愛㗎！最近呢個人牛情未了嘅故事喺網上瘋傳，真係超滾動，睇到毛毛眼都濕埋呀！

是咁的，一切都要由09年一個晚上講起。話說有隻牛牛懷疑畀車撞搞到隻腳流晒血，拐下拐下咁嚟到好心人阿Jean嘅屋企門前。阿Jean見佢傷成咁，就嗱嗱聲搵獸醫求救，手術之後亦都一直照顧住佢。雖然阿Jean從來都冇照顧大型動物嘅經驗，但佢都好落力咁去幫牛牛搭牛棚、幫佢洗傷口、餵佢食水果等等，仲將佢改咗個名：牛牛。牛牛可能都知道阿Jean可靠，就一直住落去，直到佢好返晒，就返返去牛群度。

雖然牛牛離開咗，但係佢哋兩個都冇忘記到對方。阿Jean周不時都會去啲牛群度探牛牛，而牛牛都可能好掛住阿Jean，慢慢就變成咗佢哋兩個每日都會喺貝澳老圍村見面，風雨不改。有人話牛係一種行跡飄忽嘅動物，但牛牛日日都去搵阿Jean，就證明咗呢個係佢哋之間嘅默契，亦都係緣份。

見到牛牛而家健健康康，毛毛都好開心呀，仲覺得佢哋兩個嘅經歷好似一個童話故事咁美好?！不過講真，其實你哋揸車嗰陣如果可以小心啲，唔好撞到牛群嘅話，成件事咪唔會發生囉！（毛毛係咁唔浪漫㗎喇Sorly）

封面圖片及資料來源：梅窩牛牛都哪裡去了？