哎唷～毛毛豬返工返到好攰，好想飲返杯熱辣辣嘅咖啡！如果呢個時候有人可以請我飲返杯靚靚拉花咖啡就好嚕～不過啲拉花咖啡來來去去都係得嗰幾款，真係好悶......而台北呢間咖啡室就唔同呢，因為佢哋嘅拉花師傅竟然可以將客人電話入面嘅相一模一樣咁畫落杯咖啡度呀！

嘩，真係似到好似印出嚟咁！而且聽講拉花師傅整一杯咁嘅咖啡都只係需要15分鐘，佢哋話因為唔想客人飲咖啡嘅時候已經凍晒喎～嗚哇，真係巧細心！

嗱嗱嗱，唔係淨係畫動物先似㗎，畫個人樣畀你睇又得，得咗！

不過可能因為似得滯嘅關係啦，有部份網民懷疑啲相係PS出嚟，搞到咖啡店嘅腦細都要喺FB澄清，話啲咖啡真係佢哋用手繪嘅方式畫出嚟......唉，好心你哋啦，唔好睇得多強國嘅新聞就凝住乜嘢都係假先得㗎！

封面圖片及資料來源：Été café