患有高能自閉症嘅光仔仔，成日畀人話佢傻話佢低能，但係佢都堅持做自己覺得啱嘅事，原來今次就係光仔仔第一個發現政府憲報已委任李國章做港大校委會主席，早過晒全港傳媒，令佢得到更多人嘅認同。

佢話「自己手痕試吓睇吓有無明日憲報，點知真係有。」連Leo都話拋of佢呀！

光仔仔係上集《星期三港案》嘅主角，由於佢患有高能自閉症所以會非常執著於某啲事物，曾經一個人包圍亞視總部，又整理香港嘅新街道資料，原來除咗呢啲之外佢嘅興趣仲有睇憲報，所以今次先會率先發現到今次事件，可惜由於佢行為上同其他人唔同，始終受盡歧視嘅目光。

可能有好多人喺你唔知道嘅情況低下，其實為香港做緊好多嘢。雖然光仔仔係患有自閉症，但係同樣都會在意人哋都對嘅睇法，毛毛只係想喺同光仔仔講一句，叻仔呀你！

來源：Tsang Hing Kwong、Leo 詹志文
睇返：《星期三港案》 23/12 我是悲劇