毛毛相信，90後細細個嘅其中一個夢想，肯定有「成為被選中嘅細路」份。嗰陣睇住數碼暴龍，心入面都會FF自己可以進入數碼世界，同亞古獸齊齊並肩作戰。估唔到而家機會就嚟喇，太一！

最近內蒙古出現咗呢個日柱現象，聽講係要遇正天氣凍，而個時間又要咁啱係日出或者係日落，啲冰喺天空高層移落嚟，先會形成呢個冰柱現象㗎！好啦毛毛都知我講咗咁多嘢你哋都係too long don’t read 㗎喇，都係睇相罷啦。

老老竇竇，驟眼睇真係有啲似數碼世界嗰幕喎！

毛毛都好想可以親眼睇到呀，不過唔好講話凍到結冰吖，香港連冬天都冇呀！唉，我想留住我哋嘅冬天呀嗚嗚。

封面圖片及資料來源：中新網